De Bopebistro Tour (2014)

mat der post heem
So KUCK emol!

De Bopebistro Tour ass e Film deen de Serge Tonnar a seng Band Legotrip begleet, bei hirer akustescher Tour 2012 duerch d’Duerfcafé’en vum Ländchen. Mam Camper geet et vun der Stad iwwer Miersch bis op d’Éislécker Koppen. E roude Fuedem zitt sech duerch d’Geschichten déi an de Lidder erzielt ginn, an deenen déi an de Gespréicher mat de Bomen a Bopen op d’Tapéit kommen: staarken Tubak. En authentesche lëtzebuerger Film iwwert d’Liewen, den Doud, d’Musek an de Branntewäin. Souzesoen en ethnolomusikologescht Dokument, iwwer Duerfbiller dei sech änneren, Caféskulturen déi verschwannen, an Erënnerungen déi sech opléisen. E Film fir op d’Long ze zéien, bei engem Patt Béier a mat vill Musek.

 

Dauer: 69 Minutten
Realisatioun: Yann Tonnar
Kamera: Tom Brucher & Yann Tonnar
Montage: Marc Recchia
Musek: Serge Tonnar & Legotrip

Eng Produktioun vu MASKéNADA